صفحہ اول آئی پی ایس - ٹیم English
ٹیم


سلمان طاہر چھاپیے ای میل
سلمان طاہرجناب سلمان طاہر ایک طویل عرصے سے آئی پی ایس میں لائبریرین کی حیثیت سے وابستہ ہیں، اور لائبریری کی توسیع وترقی نیز اسے ایک جدید طرز کا کمپیوٹرائزڈ حوالہ جاتی ماخذ بنانے میں ان کا اہم کردار ہے۔ وہ لائبریری سائنس اور سیاسیات میں ماسٹرز کی ڈگری رکھتے ہیں۔ انگریزی، اردو اور عربی کی ۱۸ہزار سے زائد کتب اور ۲۰۰ سے زائد رسائل و جرائد کے ریکارڈ کے ساتھ تحقیق کاروں کو مطلوبہ معلومات کی تلاش اور فراہمی کو آسان بنانے میں ان کا اہم حصہ ہے۔
 
ندیم فرحت گیلانی چھاپیے ای میل
ندیم فرحت گیلانیجناب ندیم فرحت گیلانی ادارہ میں ریسرچ کو آرڈی نیٹر ہیں۔ ان کے ذمہ دستوری مسائل، قانون سازی اور بین الاقوامی قانون پر ہونے والے علمی مباحث اور تحقیقی سرگرمیوں کو مربوط کرنا ہے۔ وہ قومی سیاست اور حکومتی پالیسیوں پر بھی نظر رکھتے ہیں۔ آپ جدید اور اسلامی قانون میں آنرز کی ڈگری کے ساتھ مختلف غیرسرکاری سماجی اور سیاسی تنظیموں کے قانونی شعبوں میں کام کرنے کا تجربہ رکھتے ہیں۔ انہوں نے پیش آمدہ نئے  مسائل اور قومی پالیسیوں پر قانون سازی کے لیے متعدد تبصرے، سفارشات، رپورٹس اور مختصر جائزے تیار کیے۔
 
شفق ہاشمی چھاپیے ای میل

شفق ہاشمیجناب احمد امام شفق ہاشمی ادارہ میں سینئر ریسرچ فیلو ہیں۔ اسلامیات میں ماسٹرز اور انگریزی اور عربی زبان و ادب میں آنرز کے ساتھ وہ میڈیا مینجمنٹ ، پبلسٹی، تعلقاتِ عامہ اور تخلیقی اظہار کے حوالہ سے ۳۴ سالہ تجربہ رکھتے ہیں۔ انہوں نے ادب، سیاست اور پبلسٹی سے متعلقہ موضوعات پر بہت سے تحقیقی مضامین اور تبصرےتحریر کیے۔ وہ ایک عمدہ صاحبِ ذوق شاعر بھی ہیں۔ اُن کے شعری اور نثری ادب  پارے معروف اخبارات اور ادبی رسائل میں شائع اور ریڈیو پاکستان،  پاکستان ٹیلی ویثرن اور دیگر ٹی وی چینلز سے نشر ہوتے رہتے ہیں۔ انہوں نے بیرون ملک پاکستان کے لیے مختلف سفارتی خدمات بھی انجام دی ہیں۔ انگریزی، عربی اور اُردو پر عبور کے ساتھ وہ ایک ماہر لسانیات ہیں۔

 
عرفان شہزاد چھاپیے ای میل

عرفان شہزادجناب عرفان شہزاد آئی پی ایس میں ریسرچ کو آرڈی نیٹرز کی ٹیم کے قائد ہیں۔ وہ آئی پی ایس کے جریدہ ''پالیسی پرسپیکٹیوز'' کے مدیر معاون ہیں۔ وہ خود ادارہ میں جن علمی میدانوں میں تحقیقی سرگرمیوں کو مربوط کرتے ہیں ان میں عالمگیریت، معیشت اور پاک چین تعلقات شامل ہیں۔ ادارہ سے گیارہ سال سے زائد عرصہ کی  وابستگی میں انہوں نے ادارہ کی سینئر قیادت کو تحقیقی سرگرمیوں کی منصوبہ بندی اور ارتباط میں مختلف حیثیتوں سے معاونت فراہم کی ہے۔ انہوں نے ادارہ کے لیے ۵۰ سے زائد سیمینار، ورک شاپ، گول میز مذاکرے اور کانفرنسیں منظم کی ہیں نیز آئی پی ایس کی متعدد مطبوعات، رپورٹس، دستاویزات کی تیاری کے مختلف مراحل میں حصہ لیا ہے یا معاونت کی ہے۔

 
پروفیسر سفیراختر چھاپیے ای میل

پروفیسر سفیر اخترپروفیسر ڈاکٹر سفیر اختر آئی پی ایس میں سینئر ریسرچ فیلو کی حیثیت سے وابستہ ہیں۔ آپ آئی پی ایس کے اردو جریدہ ''نقطہ نظر'' کے مدیر اور ''مغرب اور اسلام'' کے ادارتی بورڈ کے ممبر ہیں۔ یونیورسٹی آف یارک برطانیہ سے سیاسیات میں پی ایچ ڈی کی سند کے ساتھ ساتھ ایک معروف اسکالر اور تنقیدنگار ہیں۔ سماج، ادب، نظریات اور آبادیات جیسے موضوعات پر تقریباً ۲۰ کتب کے مصنف ہیں۔ آپ کے تنقیدی تجزیے اور تحقیقی مضامین پاکستان اور بھارت کے علمی جرائد میں شائع ہوتے رہتے ہیں۔ آپ نے قومی اور بین الاقوامی سطح کے بیسیوں سیمیناروں اور کانفرنسوں میں شرکت کی اور حصہ لیا۔

 
«شروعپیچھے123آگےآخر»

صفحہ: 2