صفحہ اول تازہ سرگرمیاں - شئیرنگ انسائٹ آئی پی ایس کے مندوبین کاگوادر میں دیہی کمیونٹی ڈویلپمنٹ کونسل کا دورہ کیا English
آئی پی ایس کے مندوبین کاگوادر میں دیہی کمیونٹی ڈویلپمنٹ کونسل کا دورہ کیا چھاپیے ای میل

 IPS delagation visit RCDC

آئی پی ایس کے ایک وفد نے ادارے کے چیئرمین خالد رحمٰن کی سربراہی میں 20 مئی 2022 کو گوادر میں دیہی کمیونٹی ڈویلپمنٹ کونسل(آر سی ڈی سی) کا دورہ کیا اور اس کے اراکین کے ساتھ ایک میٹنگ کی۔

اس میٹنگ میں ہونے والی گفتگو میں گوادر کے لوگوں کو درپیش مختلف مسائل اوران کے خدشات کوزیر بحث لایا گیا۔ شرکاء نے ان مسائل کی اکثریت کو گورننس کے مسائل کے پس منظر میں بیان کیا، جبکہ وفاقی اور صوبائی دونوں سطحوں پر سیاسی عدم استحکام کو اس صورت حال کی بنیادی وجہ قرار دیا ۔ مثال کے طور پر نشاندہی کی گئی کہ وزیراعلیٰ بلوچستان کے خلاف گزشتہ چار سالوں میں تیسری بار تحریک عدم اعتماد پیش کی گئی ہے اور اس قسم کی سیاسی غیر یقینی صورتحال براہ راست صوبے میں گورننس کے مسائل کا باعث بنتی ہے۔

اس کے علاوہ دورہ کرنے والے آئی پی ایس وفد کو گوادر گرائمر اسکول، کلب کے آڈیٹوریم اور آر سی ڈی سی کی لائبریری کا دورہ کرنے کا بھی موقع ملا۔

میٹنگ کا اختتام چیئرمین آئی پی ایس کے ساتھ ہوا جس میں آئی پی ایس پریس کی حال ہی میں شائع شدہ کتاب ’بلوچستان کی صورت حال: مسائل کی نوعیت، اسباب  اور حل‘ کونسل کے اراکین کو پیش کی گئی۔