صفحہ اول آئی پی ایس - بنیادی معلومات English
بنیادی معلومات


ٹیم | صفحہ 1 چھاپیے ای میل

پروفیسرخورشیداحمد

پروفیسرخورشیداحمد ایک معروف اسکالر، ماہر معاشیات اور دینی وعلمی حلقے کے متحرک رہنما ہیں۔ وہ انسٹی ٹیوٹ آف پالیسی اسٹڈیز اسلام آباد کے بانی چیئرمین ہیں۔ وہ اردو اور انگریزی میں ۷۰ سے زائد کتب تحریر/تدوین/ ترجمہ کر چکے ہیں۔ ان کی بہت سی کتابوں کا ترجمہ . ...... مزید

پروفیسر خورشید احمد

خالدرحمٰن

خالد رحمٰن آئی پی ایس کے بانیوں میں سے ہیں اور ۱۹۸۲ء سے ڈائریکٹر جنرل کی حیثیت سے خدمات انجام دے رہے ہیں۔ معاشیات میں ایم اے ہیں۔ تحقیق، تربیت اور انتظام میں ان کے وسیع تجربے نے آئی پی ایس کو ایک فعال تھنک ٹینک کی حیثیت دینے میں اہم کردار ادا کیا ہے ..... مزید

خالد رحمٰن

سفیراختر

پروفیسر ڈاکٹر سفیر اختر آئی پی ایس میں سینئر ریسرچ فیلو کی حیثیت سے وابستہ ہیں۔ آپ آئی پی ایس کے اردو جریدہ ''نقطہ نظر'' کے مدیر اور ''مغرب اور اسلام'' کے ادارتی بورڈ کے ممبر ہیں۔ یونیورسٹی آف یارک برطانیہ سے سیاسیات میں پی ایچ ڈی کی سند کے ساتھ ساتھ ..... مزید
ڈاکٹر سفیر اختر

فصیح الدین

جناب فصیح الدین منصوبہ بندی کمیشن پاکستان کے چیف اکانومسٹ رہے ہیں۔ وہ وزیرخزانہ کے مشیر اور وزارت خزانہ کے اکنامک ایڈوائزر کے مناصب پر بھی کام کرتے رہے ہیں۔ وہ بہت سی کتابوں، تحقیقی مطالعات اور مضامین کے مصنف ہیں۔ علاوہ ازیں اپنی فنی مہارت .......مزید

 

فصیح الدین

عرفان شہزاد

جناب عرفان شہزاد آئی پی ایس میں ریسرچ کو آرڈی نیٹرز کی ٹیم کے قائد ہیں۔ وہ آئی پی ایس کے جریدہ ''پالیسی پرسپیکٹیوز'' کے مدیر معاون ہیں۔ وہ خود ادارہ میں جن علمی میدانوں میں تحقیقی سرگرمیوں کو مربوط کرتے ہیں ان میں عالمگیریت، معیشت اور پاک چین تعلقات.... مزید

عرفان شہزاد

متقین الرحمٰن

جناب متقین الرحمٰن، شماریات میں ماسٹرز کی ڈگری کے ساتھ سینئر تجزیہ کار ہیں جو آئی پی ایس میں دسمبر ۱۹۹۷ء سے آئی ٹی مینیجر کی حیثیت سے ذمہ داریاں ادا کرتے رہے ہیں۔ انہوں نے ادارہ کی انتظامیہ کو تحقیقی سرگرمیوں کی منصوبہ بندی اور ان کے انعقاد کے مراحل ..... مزید

متقین الرحمٰن

شفق ہاشمی

جناب احمد امام شفق ہاشمی ادارہ میں سینئر ریسرچ فیلو ہیں۔ اسلامیات میں ماسٹرز اور انگریزی اور عربی زبان و ادب میں آنرز کے ساتھ وہ میڈیا مینجمنٹ ، پبلسٹی، تعلقاتِ عامہ اور تخلیقی اظہار کے حوالہ سے ۳۴ سالہ تجربہ رکھتے ہیں۔..... مزید

شفق ھاشمی

سلیم ظفر

جناب سلیم ظفرادارہ کے ساتھ ریسرچ کوآرڈی نیٹر کی حیثیت سے وابستہ ہیں۔ انہوں نے ڈیفنس اینڈ اسٹریٹجک اسٹڈیز میں قائداعظم یونیورسٹی اسلام آباد سے ایم ایس سی کیا اور انگریزی زبان وادب میں نیشنل یونیورسٹی آف ماڈرن لینگویجز اسلام آباد سے ماسٹرز کیا۔ ..... مزید

سلیم ظفر

ثمرجاوید

محترمہ ثمر جاوید نے بین الاقوامی اسلامی یونیورسٹی اسلام آباد سے بزنس ایڈمنسٹریشن میں ماسٹرز کی ڈگری حاصل کی۔ اس سے قبل انہوں نے پنجاب یونیورسٹی لاہور سے کمپیوٹر سائنس میں آنرز کیا۔ اسسٹنٹ ریسرچ کو آرڈی نیٹر کی حیثیت سے ..... مزید

ثمر جاوید

ندیم فرحت گیلانی

جناب ندیم فرحت گیلانی ادارہ میں ریسرچ کو آرڈی نیٹر ہیں۔ ان کے ذمہ دستوری مسائل، قانون سازی اور بین الاقوامی قانون پر ہونے والے علمی مباحث اور تحقیقی سرگرمیوں کو مربوط کرنا ہے۔ وہ قومی سیاست اور حکومتی پالیسیوں پر بھی نظر رکھتے ہیں۔ آپ جدید اور اسلامی قانون...... مزید

ندیم فرحت گیلانی

اکرام الحق

جناب اکرام الحق نے بین الاقوامی اسلامی یونیورسٹی اسلام آباد سے تقابل ِ ادیان میں ماسٹرز کی سند حاصل کی۔ وہ ادارہ میں اسسٹنٹ ریسرچ کو آرڈی نیٹر ہیں اور یہاں دینی مدارس کے مطالعہ کے پراجیکٹ میں ارتباط کا کام کرتے ہیں۔ وہ دینی صحافت کے بارے میں آئی پی ایس کی ٹاسک فورس کے رکن بھی ہیں جو تازہ قومی اور بین الاقوامی واقعات ومسائل پر مذہبی رسائل .... مزید

اکرام الحق

راشدہ حمید

محترمہ راشدہ حمید ادارہ سےاسسٹنٹ ریسرچ کو آرڈی نیٹر کی حیثیت سے وابستہ ہیں۔ انہوں نے ڈیفنس اینڈ اسٹریٹجک اسٹڈیز میں قائداعظم یونیورسٹی اسلام آباد سے ماسٹرز کیا اور اب یہیں مزید اعلیٰ تعلیم کے حصول کے لیے کوشاں ہیں...... مزید

راشدہ حمید

اویس بن وصی

جناب اویس بن وصی ادارہ میں کشمیر اور پاک وہند تعلقات کے حوالہ سے ہونے والی تحقیقی سرگرمیوں میں کوآرڈی نیشن کے ذمہ دار ہیں۔ انہوں نے نیشنل یونیورسٹی آف ماڈرن لینگویجز اسلام آباد سے انگریزی میں ماسٹرز کیا۔ وہ مسئلہ کشمیر کی گہری تفہیم رکھنے والے ..... مزید

اویس بن وصی

سلمان طاہر

جناب سلمان طاہر ایک طویل عرصے سے آئی پی ایس میں لائبریرین کی حیثیت سے وابستہ ہیں، اور لائبریری کی توسیع وترقی نیز اسے ایک جدید طرز کا کمپیوٹرائزڈ حوالہ جاتی ماخذ بنانے میں ان کا اہم کردار ہے۔ وہ لائبریری سائنس اور سیاسیات میں ماسٹرز کی ڈگری رکھتے ہیں ......مزید

سلمان طاھر

محمد فہیم اشرف

جناب محمد فہیم اشرف ڈپٹی منیجر فنانس کی حیثیت سے ادارہ میں اپنی ذمہ داریاں ادا کر رہے ہیں۔ انہوں نے اکنامکس میں بین الاقوامی اسلامی یونیورسٹی اسلام آباد سے اور بزنس ایڈمنسٹریشن میں پرسٹن انسٹی ٹیوٹ آف مینجمنٹ سائنس اینڈ ٹیکنالوجی اسلام آباد سے ماسٹرز کیا۔ .... مزید

محمد فھیم اشرف

سید اظہر علی

جناب سید اظہرعلی شاہ ڈپٹی منیجر ایڈمن کی حیثیت سے اپنی ذمہ داریاں ادا کر رہے ہیں۔ وہ ادارہ کے شعبہ استقبالیہ کے انچارج ہیں۔ آٹھ سال سے زائد عرصہ سے ادارہ سے وابستگی کے دوران میں وہ مختلف شعبوں میں کام کرتے رہے ہیں.... مزید

سید اظھر علی

ماریہ خاور

انسٹی ٹیوٹ کی انگریزی مطبوعات کو بہترین معیار پر پیش کرنا محترمہ ماریہ خاور کی ذمہ داری ہے۔ وہ انگریزی مسودات کی ادارت کرتی ہیں۔ انگریزی زبان و ادب میں ماسٹ ...... مزید
ماریہ خاور

 

صفحہ > 2

 
ٹیم | صفحہ 2 چھاپیے ای میل

ہاجرہ ضیاء

محترمہ ہاجرہ ضیاء ادارہ سے ویمن سیکشن کی معاون کو آرڈی نیٹر کی حیثیت سے وابستہ ہیں۔ مطبوعات کے ڈیزائن کی تیاری میں بھی مختلف اوقات میں حصہ لیتی رہی ہیں۔ کمپیوٹر آرٹس میں آنرز کی ڈگری فاطمہ جناح ویمن یونیورسٹی، راولپنڈی سے حاصل کی۔.... مزید

ہاجرہ ضیاء

فاطمہ حبیب

محترمہ فاطمہ حبیب نے فاطمہ جناح ویمن یونیورسٹی، راولپنڈی سے ڈیفنس اینڈ ڈپلومیٹک اسٹڈیز میں ماسٹرز کی ڈگری حاصل کی۔ وہ نیشنل ڈیفنس یونیورسٹی اسلام آباد سے اسٹریٹیجک اور نیو کلیر اسٹڈیز میں ایم فل بھی کر رہی ہیں۔...... مزید

فاطمہ حبیب

گروپ فوٹو: ایگزیٹو کمیٹی ویمن سیکشن کےساتھ

بیٹھے ہوئے (ڈائیں سے بائیں): محمد نقی ناصر, غلام قادر, طاھر عباسی, شیراز گل, خالد رحمٰن, عرفان عارف, محمد ندیم, طالب حسین کھڑے ہوئے (ڈائیں سے بائیں): محمد وحید، افتخار احمد, نور غلام، فھیم رضا, خضر زمان، محمد انیس الرحمٰن, فرخ زیب، ریحان اللہ, محمد جواد، عبدل مسیح, محمد لطیف

بیٹھے ہوئے (دائیں سے بائیں): خالد رحمٰن، امان اللہ خان، ڈاکٹر انیس احمد، پروفیسر خورشید احمد، ڈاکٹر محمد ساعد

کھڑے ہوئے (دائیں سے بائیں): سعدیہ خالد، آمنہ خالد، فاکهہ محمود، راشدہ حمید، ثمر جاوید، ماریہ خاور، صبا خالد

آئی پی ایس ٹیم: ڈائریکٹر جنرل کے ساتھ گروپ فوٹو

بیٹھے ہوئے (ڈائیں سے بائیں): محمد نقی ناصر, غلام قادر, طاھر عباسی, شیراز گل, خالد رحمٰن, عرفان عارف, محمد ندیم, طالب حسین کھڑے ہوئے (ڈائیں سے بائیں): محمد وحید، افتخار احمد, نور غلام، فھیم رضا, خضر زمان، محمد انیس الرحمٰن, فرخ زیب، ریحان اللہ, محمد جواد، عبدل مسیح, محمد لطیف

بیٹھے ہوئے (دائیں سے بائیں): محمد نقی ناصر، طاہر عباسی، شیراز گل، خالد رحمٰن، عرفان عارف، محمد فہیم

کھڑے ہوئے (دائیں سے بائیں): محمد وحید، افتخار احمد، نور غلام، فھیم رضا، خضر زمان، محمد انیس الرحمٰن، فرخ زیب،  محمد جواد، عبدالمسیح، محمد لطیف

> صفحہ 1

 
آئی پی ایس ایک نظر میں چھاپیے ای میل

قیام: ۱۹۷۹ء
چیئرمین : پروفیسر خورشیداحمد
ڈائریکٹر جنرل: خالدرحمٰن

وژن

مسلم دنیا کے مسائل پر بالخصوص اور عالمی مسائل پر بالعموم تحقیق کی صلاحیت کا اس طرح حصول کہ پالیسی سازی میں مصروف افراد اور اداروں سے تعامل کے ذریعے پالیسی سازی اور اس پر عمل درآمد کے عمل کو بہتر بنایا جا سکے۔

مشن

انسٹی ٹیوٹ آف پالیسی اسٹڈیز ___خطہ اور عالمی برادری سے متعلق امور پر تحقیق، مکالمہ اور مطبوعات کے ذریعے پالیسی کی تشکیل میں حصہ ادا کرتا ہے۔

مخاطبین

• پالیسی ساز : سیاست دان، قانون ساز، سرکاری حکام
• رائے عامہ ساز : تجزیہ کار، اہل علم، محققین، ذرائع ابلاغ، متعلقہ شہری
• پیشہ ورانہ ماہرین: سفارت کار، سول سوسائٹی، تنظیمات، کاروباری حلقے

لائحہ عمل

• تحقیق: داخلی پروگرام، معاونت اور اشتراک عمل
• مکالمہ: سیمینار، کانفرنس، لیکچر، اظہار خیال
• تربیت اور نشوونما: پیشہ ورانہ اور انتظامی امور پر ورک شاپس
• میڈیا : مضامین، تجزیاتی معلومات، سمعی و بصری ذرائع ابلاغ کے پروگراموں میں شرکت اور اظہارخیال

جرائد

• پالیسی پرسپیکٹو، ششماہی انگریزی مجلہ
• مغرب اور اسلام، سہ ماہی اردو مجلہ
• نقطہ نظر، کتابوں پر تبصرہ کا ششماہی اردو مجلہ

سیمینارز

• سیمینار، کانفرنس، ورکشاپ اور گول میزمذاکرہ: اب تک ایسے ایک ہزار سے زائد پروگرام ہوچکے ہیں۔
• مطبوعات: دو سو سے زائد

تعاون و اشتراک

آغاز ہی سے بین الاقوامی سطح کے معیاری علمی و تحقیقی اداروں سے گہرے ربط وتعاون کا سلسلہ جاری ہے۔ ان اداروں میں پاکستان، چین، امریکہ، برطانیہ، ناروے، جرمنی اور ایران کے علاوہ بین الاقوامی و علاقائی تنظیمات اور ادارے بھی شامل ہیں۔

تحقیق کے شعبے

• پاکستانی امور
معاشرہ، سیاست، دفاع ، خارجہ پالیسی، تعلیم، معیشت، میڈیا، ثقافت، خاندانی اور صنفی امتیاز کے مسائل، علاقائی اور قومیتی امور
• بین الاقوامی تعلقات
عالمی اور علاقائی حرکیات
• مذہب اور عقیدہ
افکار، تحریک اور مسائل

 
تعارف چھاپیے ای میل

خالد رحمٰنانسٹی ٹیوٹ آف پالیسی اسٹڈیز اسلام آباد میں خوش آمدید! آئی پی ایس ایک آزاد علمی و تحقیقی ادارہ ہے جو مالی منفعت سے ماوراء قومی حکمتِ عملی کے امور پرتحقیق کے فروغ کے لیے کوشاں ہے۔ یہ قومی اور بین الاقوامی موضوعات پر تبادلہ خیال اور تجزئیے کے لیے فورم مہیا کرتا ہے۔ ادارہ کی تحقیقی خدمات کا عرصہ تیس سال سے زائد ہے جس میں اہم پالیسی معاملات کو زیر بحث لایا گیا ہے۔ یہ ادارہ جدید جمہوری معاشرے میں تھنک ٹینک کا کردار اجاگر کرتا ہے۔
آئی پی ایس اپنے مقاصد کے حصول کے لیے، سیمینارز، کانفرنسیں، ورکشاپس اور مکالمے کے ذرائع اختیار کرتا ہے۔ اس کی دلچسپی کے کثیر جہتی موضوعات پر رپورٹس، جرائد، کتب ، موضوعاتی تحقیق اور شخصی و اداراتی نشوونما پر مبنی سر گرمیاں ادارے کے مقاصد کو آگے بڑھانے کا اہم ذریعہ بنتی ہیں۔ آئی پی ایس جہاں پالیسی سازی سے متعلقہ امور پر قابلِ عمل اور ٹھوس لائحہ عمل تیار کرتا ہے وہیں پالیسی سازوں ، تجزیہ نگاروں ، سیاسی قائدین، قانون ساز افراد اور اداروں اور دیگر متعلقہ شعبہ جات کے لیے راہِ عمل متعین کرنے میں مددگار ثابت ہوتا ہے۔ یہ ادارہ انتظامی معاملات میں فعالیت، شفافیت، پیشہ ورانہ مہارت، اور اپنی کارکردگی کی افادیت کو یقینی بناتا ہے۔ خود مختاری ، ثقاہت اور وقار ادارے کا اصل اثاثہ ہے جس پر کسی صورت سمجھوتہ نہیں کیا جاتا۔ یہ تھنک ٹینک اپنے تمام مالی امور میں خود کفیل ہے۔ وقف شدہ املاک سے حاصل آمدن ، مالی تعاون اور مختلف افراد کی رضا کارانہ خدمات اسے کسی بیرونی امداد سے بے نیا ز کرتی ہیں ، اسی طرح رسائل ، کتب اور ممبرشپ فیس سے حاصل شدہ آمدن کے علاوہ ادارہ مشاورتی خدمات کے ذریعے بھی وسائل حاصل کرتا ہے۔

آئی پی ایس نے اپنے لئے(ا)  ملکی معاملات، (ب) بین الاقوامی تعلقات اور (ج) ایمانیات اور سماج کو تحقیقاتی عنوانات کے طور پر منتخب کیا ہے اور اس مقصد کے لیے اندرون اور بیرونِ ملک موجود دانشوروں سے موثر رابطے کی غرض سے ادارے کے مقاصد سے ہم آہنگ افراد کی ایک ٹیم ہمہ تن مصروفِ عمل ہے۔ اس انداز کو اپنانے سے آئی پی ایس نہ صرف اس قابل ہے کہ خود ادارے کے اندر فعال تحقیقی سر گرمیاں جاری رہیں بلکہ ادارے سے وابستہ مختلف افراد اپنے اپنے مقامات پر رہ کر بھی اپنے علم و دانش اور فکر کو بروئے کار لا سکتے ہیں۔ ادارے کی تحقیقی سر گرمیاں نیشنل اکیڈمک کونسل تیار کرتی ہے اور یہ پروگرام اسی کے زیرِ نگرانی تشکیل پاتے ہیں۔ نیشنل اکیڈمک کونسل بنیادی اور اہم کردار کی حامل ہے کیو نکہ یہ نہ صرف رہنمائی اور نگرانی کا فریضہ انجام دیتی ہے بلکہ ادارے کی تر جیحات بھی متعین کرتی ہے۔ آئی پی ایس ہم خیال اداروں اور تنظیمات کے ساتھ مل کر بھی مختلف سر گرمیاں سر انجام دیتا ہے اور اسی طرح دیگر اداروں کے ایسے پروگرام جو انسٹی ٹیوٹ کے مقاصد سے ہم آہنگ ہوں ان میں اپنا سرگرم تعاون بھی پیش کرتا ہے۔ متعین موضوعات پر مختصر دورانیے کا یہ تعاون مشترکہ تحقیق ، سیمینارز کے انعقاد یا لائبریری اور دیگر خدمات کے تبادلے پر مبنی ہو سکتا ہے۔ اس وقت ادارے کا اس نوعیت کا تعلق متعدد ملکی اور بین الاقوامی اداروں کے ساتھ قائم ہے ۔ اندرون اور بیرون ملک مختلف تحقیقی اداروں اور آئی پی ایس کے محققین طے شدہ منصوبہ کے تحت باہمی دورے کرتے ہیں۔